ब्रेकिंग

विदेश

मॉस्कोवरील ड्रोन हल्ल्यामुळे कनिमोळींच्या विमानाच्या हवेत घिरट्या

Samruddhi Dhayagude
24 May 2025

चेन्नई : रशियन शहरावर ड्रोन हल्ल्यामुळे द्रमुक नेत्या कनिमोळी यांच्या नेतृत्वाखालील भारतीय खासदारांच्या शिष्टमंडळाला मॉस्कोला घेऊन जाणार्‍या विमानाला काही काळ आकाशात घिरट्या घालाव्या लागल्या; परंतु नंतर विमान सुरक्षितपणे उतरले.

ऑपरेशन सिंदूर अंतर्गत पाकिस्तान आणि व्याप्त काश्मीरमधील दहशतवादी तळांवर केलेल्या सैन्य कारवाईनंतर भारताने पाकिस्तानचा दहशतवादी बुरखा आंतरराष्ट्रीय स्तरावर फाडण्यासाठी खासदारांचे शिष्टमंडळ विविध देशांत पाठवले आहे. कनिमोळी यांच्या नेतृत्त्वाखाली रशिया दौर्‍यावर शिष्टमंडळही पाठवले आहे. त्यावेळी ड्रोन हल्ला झाला होता. कनिमोळी यांच्या जवळच्या सूत्रांनी सांगितले की, विमानाला हवेतच फिरावे लागले. त्यामुळे विमान उतरण्यास ४५ मिनिटे उशीर झाला. डोमोदेदोवो आंतरराष्ट्रीय विमानतळावर, कनिमोळी आणि त्यांच्या पथकाच्या सदस्यांचे स्वागत भारताचे राजदूत विनय कुमार आणि इतर अधिकार्‍यांनी केले.